Sali zämme

Y bi d Zora und im Februar 2024 han y vo Thun ins Baselbiet dörfe zügle. Und kuum bin y do gsi, han y grad mega vyyli Gschänggli griegt - e LED-Liecht, Sturzbügel, Motorschutz, e bequäme Sattel, e höcheri Toureschyybe…

Aber my Yysatz wird bim Patrick vorallem im Winter syy, drum bin y jetz doo und hoff, dass y zem Byspiil mit Dir au im Summer e weeneli uff d Pyschte darf. Y bi super aifach zem faare, ha au gnueg pfupf dass es vorwäärts goot, aber e Rennmaschiine bin y nadürlig nit. Yy freu my uff dii…

Jo, s git do uff Ribe Schweschtere vo mir, wo me günschtiger kaa miete - aber s kunnt halt au druff aa, was mii uszaichnet:
- E mega bequäme Sattel, au uff lange Toure
- E hochs Windshield mit verstellbarem Uffsatz für ruhigi Autobaanfaarte
- E LED-Liecht, wo d Nacht zem Dag macht, sogar mit Zuesatzschyynwärfer
- E Sturzbügel, wo derfür soorgt, dass bimene Malheur nit vyyl kaputt goot
- E Griffhaizig, falls es zoobe emool kiel wird
- Heidenau K60 Scout-Pneu, wo au uff Fäldwääg e gueti Falle mache
- Länggerändspiegel, dass me nit numme die aige Schultere gseet
- Schneekette für Eggspeditione an Nord & Südpool
- E CoPilot, dass me immer dr richtig Wäg findet